<$BlogRSDUrl$>

30. júní 2009

Í byrjun júní fór ég í frí frá bloggi og þegar ég kom aftur var síðan biluð. Það skýrir langa fjarvist frá þessum annars ágæta miðli.

En í millitíðinni er ég búin að fara í ferðalag hringinn í kringum okkar ágæta land með tjaldvagninn nýja í ótrúlegum kulda, við frostmark á tjaldstæðinu á Hólum! Ég er búin að fagna 25 ára stúdentsafmæli með bravör á Akureyri, þriggja daga törn þar. Gista á Grenivík í góðu yfirlæti þegar veðrið leyfði ekki útilegur. Mæta í útskriftarveislu Hafsteins og Kristjáns frá MA þar sem drengirnir báru höfuð og herðar yfir aðra stúdenta í eiginlegri merkingu. Tim er farinn heim til Hong Kong og var það heilmikið átak enda drengurinn löngu orðinn eins og einn úr fjölskyldunni. Kveðjustundin var afar sorgleg en við erum staðráðin í því að heimsækja hann frekar fyrr en seinna og vonandi kemur hann hingað til baka innan skamms. Síðan er ég búin að taka þátt í því að halda eins og eina garðyrkju- og blómasýningu hér í Hveragerði sem var vægast sagt vel lukkuð. Veðrið lék við heimamenn og gesti sem skemmtu sér hið besta. Elfa Dögg á heiður skilinn fyrir að hafa komið með þessa hugmynd og fyrir að hafa fylgt henni jafn vel eftir og raun varð á. Hún er kraftaverkakona!
-------------------------
En nóg um liðinn mánuð. Í dag var bæjarráðsfundur en dagskrá hans var frekar stutt. Þó notuðum við tækifærið og mótmæltum harðlega yfirlýsingum samgönguráðherra um að tvöföldun Suðurlandsvegar væri komin aftar í forgangsröðina en áður hafði verið. Slíkt er óásættanlegt enda öllum löngu ljóst að tvöföldun Suðurlandsvegar er nauðsynleg útfrá öryggissjónarmiðum, umferðarþunga og þjóðhagslegri hagkvæmni. Um það eigum við ekki að þurfa að deila enn eina ferðina. Krisján Möller kom síðan í Kastljós í kvöld og lýsti því yfir að framkvæmdir við fyrsta áfanga myndu hefjast á árinu. Við munum fylgja því fast eftir, Sunnlendingar, að við þá yfirlýsingu verði staðið.

Eftir fundi þarf að ganga frá bréfum og svörum og getur það tekið drjúgan tíma. Í framhaldinu kom ég frá nokkrum erindum og verkum sem höfðu setið á hakanum.
Síðdegis komu hingað á fund þeir aðilar úr Græna geiranum sem hvað mest komu að sýningunni Blóm í bæ. Notuðum við tækifærið til að þakka samstarfið og fórum síðan yfir það sem vel gekk og það sem betur mátti fara. Skoðuðum líka myndir sem teknar höfðu verið um helgina en nokkrir aðilar hafa látið okkur hafa myndir sem þeir tóku þessa daga. Gaman væri þó að fá fleiri í safnið ef lesendur skyldu luma á góðum myndum.

Í kvöld fórum við Svava og Albert í langan göngutúr um bæinn. Byrjuðum reyndar á nýja hverasvæðinu sem tekur sífelldum breytingum. Rákust síðan á Eyþór og Kát sem voru á göngu svo það var tilvalið að fá leiðsögn um nýja plöntusafnið undir Hamrinum. Gott framtak hjá Skógræktarfélaginu, en Eyþór er formaður þess félags.

7. júní 2009

Tónlist og garðlist ......

Enn er möguleiki að mæta og njóta frábærra tónleika í Hveragerðiskirkju á tónlistarhátíðinni Björtum sumarnóttum. Lokatónleikarnir verða annað kvöld, sunnudag, kl. 20. Frönsk sönglög, Schumann og Hveragerðislög eftir Ingunni Bjarnadóttur og son hennar Þórhall Hróðmarssona, í útsetningu Atla Heimis Sveinssonar. Ekki missa af þessu.
--------------------------
Þar sem ég ætla nú í frí frá bloggi í nokkra daga þá vil ég minna á Blómasýninguna Blóm í bæ sem verður hér í Hveragerði síðustu helgina í júní. Allt um gróður og garða en fátt er vinsælla einmitt núna ef eitthvað er að marka starfsfólk gróðrarstöðvanna hér í Hveragerði sem varla muna annað eins vor svon sölulega séð. Sýningin verður ein sú stærsta sinnar tegundar og því er um að gera að taka helgina strax frá og eyða henni hér í Hveragerði. Til dæmis mæli ég sterklega með að byrja helgina með áhlaupi og taka þátt í ráðstefnunni "Íslensk garðlist" sem stendur milli kl. 13 og 16 á föstudeginum. Þar verða flutt stutt og smellin erindi um ýmislegt sem lítur að garðrækt og þeim fjölbreyttu möguleikum sem þar gefast.
--------------------------------
Annars hef ég eins og aðrir tekið þátt í kapphlaupinu um plönturnar í ár. Búin að setja niður bláberjarunnana mína, kirsuberja tré og epla tré auk hindberjarunna og fullt af öðru skemmtilegu. Verst ef þetta þrífst allt of vel og verður of stórt fyrir garðinn ;-)

2. júní 2009

Ögmundur dúxar á Laugarvatni

Hálf Hvergerðingurinn, Ögmundur Eiríksson dúxaði frá ML við útskriftina síðastliðinn laugardag. Hæsta einkunn í sögu skólans. Níur og tíur í öllu nema tveimur íþróttaáföngum og einum matreiðsluáfanga! Á auðvitað ekki að vera hægt en annað eintak af svipuðum standard er á sömu vegferð í ML, Jón Hjalti litli bróðir auðvitað...

Hér má sjá fréttina á vefsíðu ML og mynd af dúxinum með stoltum foreldrum sínum.
Til hamingju Öggi og fjölskyldan öll í Kotinu...
---------------------------------

Get síðan ekki stillt mig um að setja þessa mynd á bloggið sem er tekin væntanlega sumarið 1968. Þá bjuggum við fjölskyldan á Varmalæk sem stóð þar sem Kaupþing er í dag. Adda, Gunna og Svava eða Grundar systur bjuggu í næsta húsi og hafa verið órjúfanlegur hluti tilverunnar síðan.
Þarna eru Adda (mamma hans Ögmundar), Svava, ég, pabbi með Valdimar og Gunna. Í baksýn má sjá hornið á Pósthúsinu, Egilstaði(gamla barnaskólann) og barnaskólann eins og hann hét þá...

Tónlistarhátíðin Bjartar Sumarnætur verður haldin hér í Hveragerði í komandi helgi. Þrír stórglæsilegir tónleikar með nokkrum af bestu listamönnum þjóðarinnar í kirkjunni okkar. Hvet allt áhugafólk um góða tónlist til að mæta því dagskráin á eftir að koma þægilega á óvart. Hægt er að nálgast miða á bókasafninu og á bæjarskrifstofunni en einnig verður auðvitað selt inn við innganginn. Nánari upplýsingar má fá á www.hveragerdi.is.

Eftirfarandi er fréttatilkynning um tónlistarhátíðina:

Bjartar sumarnætur í Hveragerði,
dagana 5., 6. og 7. júní 2009


Ár er nú að verða liðið frá því að jarðskjálftinn stóri reið yfir Suðurland fimmtudaginn 29. maí í fyrra. Daginn eftir átti hin árlega tónlistarhátíð Bjartar sumarnætur að hefjast í Hveragerðiskirkju. Vegna skemmda á kirkjunni og ótta aðstandenda hátíðarinnar og listamannanna við frekari hamfarir var hætt við tónleikahaldið. Nú ári síðar verða þessir sömu tónleikar á dagskrá þ.e. sömu listamenn, sömu auglýsingar, sömu aðgöngumiðar og sama dagskrá. Vonast aðstandendur hátíðarinnar til að náttúruöflin verði hliðhollari í þetta sinn.

Fjöldi frábærra listamanna
Listrænir stjórnendur nú sem fyrr eru hjónin Guðný Guðmundsdóttir fiðluleikari og Gunnar Kvaran, sellóleikari. Þau eru ásamt Peter Máté píanóleikara meðlimir Tríós Reykjavíkur, sem hefur ásamt frábærum flytjendum íslenskum sem erlendum staðið að tónlistarflutningi á hátíðinni frá upphafi.
Á hátíðinni í ár koma fram á auk tríósins sópransöngkonan Sigrún Hjálmtýsdóttir, píanóleikarinn Anna Guðný Guðmundsdóttir, klarinettuleikarinn Sigurður I. Snorrason, víóluleikarinn Þórunn Ósk Marinósdóttir og síðast en ekki síst Hvergerðingurinn ungi Hulda Jónsdóttir fiðluleikari. Sigrún, Anna Guðný og Sigurður hafa í áraraðir verið í fremstu röð íslenskra tónlistarmanna og hafa öll komið fram áður á Björtum sumarnóttum.
Þórunn Ósk, sem er borin og barnfædd á Akureyri, er einn eftirsóttasti víóluleikari landsins af yngri kynslóðinni. Hún starfar ötullega á sviði kammertónlistar og er reglulegur gestur á tónlistarhátíðum um land allt.
Hulda Jónsdóttir er aðeins 17 ára gömul. Það má segja að Hulda og tónlistarhátíðin Bjartar sumarnætur hafi fylgst með hvor annarri vaxa úr grasi. Þrátt fyrir ungan aldur hefur hún vakið mikla athygli fyrir framúrskarandi tónlistargáfur bæði hérlendis og einnig á tónlistarhátíðum sem hún hefur sótt erlendis. Þekkt stofnun í Chicago hefur lánað Huldu forláta fiðlu. Næst haust mun hún hefja nám í hinum heimsþekkta Juilliard skóla í New York.

Dagskrá einstakra tónleika

Sérstakir hátíðartónleikar tileinkaðir Jóhannesi Brahms marka upphaf hátíðarinnar á föstudag kl. 20. Tónleikarnir hefjast á sónötuþætti fyrir fiðlu og píanó. Þá koma sönglög og eftir hlé verður leikið hið volduga tríó op.114 fyrir klarínettu, selló og píanó.

Fyrri hluti tónleikanna á laugardeginum kl. 17 verður tileinkaður tveimur stórum meisturum, þeim Olivier Messiaen og Wolfgang Amadeus Mozart. Anna Guðný Guðmundsdóttir handhafi íslensku tónlistarverðlaunanna 2008 mun á tónleikunum flyta verðlaunaverkið "tuttugu hugleiðingar um Jesúbarnið eftir Messiaen.
Á síðari hluta tónleikanna munu Diddú og Anna Guðný flytja nokkrar vel valdar glæsi-aríur, t.d, Næturdrottninguna úr Töfraflautunni. Einnig verður klarinettukvintett Mozarts fluttur.

Á þessum tónleikum verður einnig vísnasöngkonunnar Berþóru Árnadóttur frá Hveragerði minnst með flutningi á lagi hennar “Hveragerði”.

Áheyrendur lokatónleikanna á sunnudag kl. 20 fá að kynnast franskri tónlist í léttari kantinum eftir þá Gabriel Pierné, Leo Delibes og Louis Louiguy, en eftir þann síðastnefnda mun Diddú syngja lagið “la vie en rose”. Á þessum tónleikum mun hinn ungi fiðluleikari Hulda Jónsdóttir fá að blómstra sem einlekari í verkum eftir Chausson og Sarasate. Tónleikunum lýkur með píanókvartetti eftir Schumann og Hveragerðislögum.

This page is powered by Blogger. Isn't yours?

  • Um Aldísi ...
  • Ræður og greinar ...
  • Aftur á forsíðu...
  • Tenglar
  • Mjúkhýsi í Hveragerði ?
  • Síða Sjálfstæðisflokksins
  • Sjálfstæðismenn í Hveragerði
  • Sjálfstæðiskonur
  • Sjálfstæðismenn í Suður.
  • Gagnagátt Sambandsins
  • Besti ísinn!
  • Morgunblaðið á netinu
  • Vísir.is
  • DFS - Fréttasíða Dagskrárinnar
  • Fleiri Sunnlenskar fréttir
  • Mælingar á loftgæðum í Hveragerði
  • Hveragerði
  • Heimasíður fyrirtækja í Hveragerði
  • Grunnskólinn í­ Hveragerði
  • Íþróttafélagið Hamar
  • Veðurspá fyrir Hveragerði
  • Fjölbrautaskóli Suðurlands
  • Gagnasöfn Hvar.is
  • Besti bloggarinn ! ! !
  • Vefbanki Valla...
  • SASS
  • Myndir Bjössa á Bláfelli
  • Nátturan.is
  • Orðaþýðingar - frábær síða
  • Færð og veður á SV-landi
  • Leitarvélin
  • Sí­maskráin
  • Ýmsar myndir
  • Myndasíða
  • Úr reisubókinni
  • Flórída janúar 2017
  • Litháen, Armenia og Karabakh 2015
  • Serbí­a og Svartfjallaland 2005
  • Istanbul í­ Tyrklandi 2005
  • Búkarest í Rúmení­u 2006
  • Ítalía 2007
  • Svartfjallaland 2008
  • Danmörk 2010
  • Heimsreisa Laufeyjar og Elvars 2011-2012
  • Hefur þú skoðun?
  • Hafðu samband!
    Eldri færslur
  • 1.1.2004 - 1.2.2004
  • 1.2.2004 - 1.3.2004
  • 1.3.2004 - 1.4.2004
  • 1.5.2004 - 1.6.2004
  • 1.6.2004 - 1.7.2004
  • 1.7.2004 - 1.8.2004
  • 1.8.2004 - 1.9.2004
  • 1.9.2004 - 1.10.2004
  • 1.10.2004 - 1.11.2004
  • 1.11.2004 - 1.12.2004
  • 1.12.2004 - 1.1.2005
  • 1.1.2005 - 1.2.2005
  • 1.3.2005 - 1.4.2005
  • 1.4.2005 - 1.5.2005
  • 1.5.2005 - 1.6.2005
  • 1.6.2005 - 1.7.2005
  • 1.7.2005 - 1.8.2005
  • 1.8.2005 - 1.9.2005
  • 1.9.2005 - 1.10.2005
  • 1.10.2005 - 1.11.2005
  • 1.11.2005 - 1.12.2005
  • 1.12.2005 - 1.1.2006
  • 1.1.2006 - 1.2.2006
  • 1.2.2006 - 1.3.2006
  • 1.3.2006 - 1.4.2006
  • 1.4.2006 - 1.5.2006
  • 1.5.2006 - 1.6.2006
  • 1.6.2006 - 1.7.2006
  • 1.7.2006 - 1.8.2006
  • 1.8.2006 - 1.9.2006
  • 1.9.2006 - 1.10.2006
  • 1.10.2006 - 1.11.2006
  • 1.11.2006 - 1.12.2006
  • 1.12.2006 - 1.1.2007
  • 1.1.2007 - 1.2.2007
  • 1.2.2007 - 1.3.2007
  • 1.3.2007 - 1.4.2007
  • 1.4.2007 - 1.5.2007
  • 1.5.2007 - 1.6.2007
  • 1.6.2007 - 1.7.2007
  • 1.7.2007 - 1.8.2007
  • 1.8.2007 - 1.9.2007
  • 1.9.2007 - 1.10.2007
  • 1.10.2007 - 1.11.2007
  • 1.11.2007 - 1.12.2007
  • 1.12.2007 - 1.1.2008
  • 1.1.2008 - 1.2.2008
  • 1.2.2008 - 1.3.2008
  • 1.3.2008 - 1.4.2008
  • 1.4.2008 - 1.5.2008
  • 1.5.2008 - 1.6.2008
  • 1.6.2008 - 1.7.2008
  • 1.7.2008 - 1.8.2008
  • 1.8.2008 - 1.9.2008
  • 1.9.2008 - 1.10.2008
  • 1.10.2008 - 1.11.2008
  • 1.11.2008 - 1.12.2008
  • 1.12.2008 - 1.1.2009
  • 1.1.2009 - 1.2.2009
  • 1.2.2009 - 1.3.2009
  • 1.3.2009 - 1.4.2009
  • 1.4.2009 - 1.5.2009
  • 1.5.2009 - 1.6.2009
  • 1.6.2009 - 1.7.2009
  • 1.7.2009 - 1.8.2009
  • 1.8.2009 - 1.9.2009
  • 1.9.2009 - 1.10.2009
  • 1.10.2009 - 1.11.2009
  • 1.11.2009 - 1.12.2009
  • 1.12.2009 - 1.1.2010
  • 1.1.2010 - 1.2.2010
  • 1.2.2010 - 1.3.2010
  • 1.3.2010 - 1.4.2010
  • 1.4.2010 - 1.5.2010
  • 1.5.2010 - 1.6.2010
  • 1.6.2010 - 1.7.2010
  • 1.7.2010 - 1.8.2010
  • 1.8.2010 - 1.9.2010
  • 1.9.2010 - 1.10.2010
  • 1.10.2010 - 1.11.2010
  • 1.11.2010 - 1.12.2010
  • 1.12.2010 - 1.1.2011
  • 1.1.2011 - 1.2.2011
  • 1.2.2011 - 1.3.2011
  • 1.3.2011 - 1.4.2011
  • 1.4.2011 - 1.5.2011
  • 1.5.2011 - 1.6.2011
  • 1.6.2011 - 1.7.2011
  • 1.7.2011 - 1.8.2011
  • 1.8.2011 - 1.9.2011
  • 1.9.2011 - 1.10.2011
  • 1.10.2011 - 1.11.2011
  • 1.11.2011 - 1.12.2011
  • 1.12.2011 - 1.1.2012
  • 1.1.2012 - 1.2.2012
  • 1.2.2012 - 1.3.2012
  • 1.3.2012 - 1.4.2012
  • 1.4.2012 - 1.5.2012
  • 1.5.2012 - 1.6.2012
  • 1.6.2012 - 1.7.2012
  • 1.7.2012 - 1.8.2012
  • 1.8.2012 - 1.9.2012
  • 1.9.2012 - 1.10.2012
  • 1.10.2012 - 1.11.2012
  • 1.11.2012 - 1.12.2012
  • 1.12.2012 - 1.1.2013
  • 1.1.2013 - 1.2.2013
  • 1.2.2013 - 1.3.2013
  • 1.3.2013 - 1.4.2013
  • 1.4.2013 - 1.5.2013
  • 1.5.2013 - 1.6.2013
  • 1.6.2013 - 1.7.2013
  • 1.7.2013 - 1.8.2013
  • 1.8.2013 - 1.9.2013
  • 1.9.2013 - 1.10.2013
  • 1.10.2013 - 1.11.2013
  • 1.11.2013 - 1.12.2013
  • 1.12.2013 - 1.1.2014
  • 1.1.2014 - 1.2.2014
  • 1.2.2014 - 1.3.2014
  • 1.3.2014 - 1.4.2014
  • 1.4.2014 - 1.5.2014
  • 1.5.2014 - 1.6.2014
  • 1.8.2014 - 1.9.2014
  • 1.9.2014 - 1.10.2014
  • 1.10.2014 - 1.11.2014
  • 1.11.2014 - 1.12.2014
  • 1.12.2014 - 1.1.2015
  • 1.1.2015 - 1.2.2015
  • 1.2.2015 - 1.3.2015
  • 1.3.2015 - 1.4.2015
  • 1.4.2015 - 1.5.2015
  • 1.6.2015 - 1.7.2015
  • 1.7.2015 - 1.8.2015
  • 1.8.2015 - 1.9.2015
  • 1.9.2015 - 1.10.2015
  • 1.10.2015 - 1.11.2015
  • 1.11.2015 - 1.12.2015
  • 1.12.2015 - 1.1.2016
  • 1.1.2016 - 1.2.2016
  • 1.2.2016 - 1.3.2016
  • 1.3.2016 - 1.4.2016
  • 1.4.2016 - 1.5.2016
  • 1.5.2016 - 1.6.2016
  • 1.6.2016 - 1.7.2016
  • 1.7.2016 - 1.8.2016
  • 1.8.2016 - 1.9.2016
  • 1.9.2016 - 1.10.2016
  • 1.10.2016 - 1.11.2016
  • 1.11.2016 - 1.12.2016
  • 1.12.2016 - 1.1.2017
  • 1.1.2017 - 1.2.2017
  • 1.2.2017 - 1.3.2017
  • 1.3.2017 - 1.4.2017
  • 1.5.2017 - 1.6.2017
  • 1.6.2017 - 1.7.2017
  • 1.8.2017 - 1.9.2017
  • 1.9.2017 - 1.10.2017
  • 1.10.2017 - 1.11.2017
  • Free Guestbook from Bravenet Free Guestbook from Bravenet