Aldís Hafsteinsdóttir

Málefni gufuveitunnar efst á baugi í dag.  Get ekki nógsamlega gert grein fyrir mikilvægi hennar fyrir atvinnulíf í Hveragerði en með henni eru gróðurhús og fyrirtæki bæjarins undantekningalaust kynt.
Mikið óstand hefur verið á veitunni og nú er svo komið að stefnir í óefni.  Átti því í morgun nokkur góð samtöl við aðila sem vonandi geta lagt Veitum lið við að koma málum hér í gott lag. Við núverandi ástand verður ekki búið.

Átti langan fund um skipulagsmál til framtíðar í morgun þar sem farið var yfir svæði sem komið geta til framkvæmda á næstunni.  Er þar fyrst og fremst verið að huga að þéttingu byggðar í Kambalandinu.   Fundur í skipulagsnefnd á fimmtudag þar sem fjallað verður um þau mál.

Í kvöld hittist meirihlutinn venju samkvæmt.  Nú hefur fundur verið auglýstur í Sjálfstæðisfélaginu þar sem kynna á lista félagsins fyrir sveitarstjórnarkosningar í maí.   Fundurinn verður á þriðjudaginn í næstu viku.