Aldís Hafsteinsdóttir

Lúin eftir daginn!

Í gær var allt flutt frá bæjarskrifstofunni í Sunnumörk í húsnæði Arion banka að Breiðumörk 20. Þetta er búin að vera heilmikil törn en starfsmenn hafa allir verið hrikalega duglegir og unnu til dæmis eins og berserkir þó að ég brygði mér af bæ og á fund í Grímsnesinu síðdegis í gær.

Í dag komu húsgögn í hús ásamt tölvumönnum sem tengdu alla eins og við á. Dagurinn í dag fór i að raða öllu á rétta bása og að reyna að koma skikki á húsið. En mikið óskaplega verður þetta notalegt. Mér finnst þetta strax fín breyting og er ég nú samt íhaldssöm á með afbrigðum!

Skrapp niður í Sunnumörk síðdegis og dauðbrá þegar ég sá hversu hratt gengur að rífa þar allt. Stendur ekki steinn yfir steini og strax er húsnæðið orðið eins og fokhelt.