Aldís Hafsteinsdóttir

Heimsókn á leikskólann Óskaland í morgun.  Mikið líf og fjör enda var "flæðidagur" á leikskólanu.  Þá daga þá mega börnin fara út um allan skólann og heimsækja hvaða deild sem er og mismunandi leikstöðvar og verkefni eru í boði.  Þetta var afskaplega líflegt og skemmtilegt og eins og alltaf var ég heilluð af því hvað börnin voru þæg og kurteis og starfsfólkið einstaklega notalegt í viðmóti.
Átti einnig góðan fund með leikskólastjórum um ýmis mál.

Eftir hádegi var fundur í stjórn Samband íslenskra sveitarfélaga.  Fjöldi mála á dagskrá enda stóð fundurinn í fullar þrjár klukkustundir.

Beint austur til að passa tvo unga menn í Borgarheiðinni síðdegis.  Þeir eru sannkallaðir gullklumpar báðir tveir.

Naktir í náttúrunni var frumsýnt í kvöld fyrir troðfullum sal.  Skemmtileg sýning og óhætt að hvetja alla til að missa ekki af þessu :-)