Aldís Hafsteinsdóttir

Hún á afmæli í dag hún Aldís 

Eðalbæjarstjóri og skvís

Í Hveragerði er best að búa

Meðan hún er að bænum að hlúa

Það enginn fær mig til öðru að trúa

Til hamingju Aldís

Ég á samt ekki afmæli í dag - ég á afmæli í desember, en henni var bara alveg sama þegar henni var bent á það :-)

-------------

Tuttugu og fjögur mál voru á dagskrá bæjarráðsfundar í morgun.  Meðal annars var farið yfir 8 mánaða uppgjör bæjarins þar sem auðvitað kom fram, eins og við vissum, að launahækkanir hafa verið verulegar og skekkja mjög rekstrarniðurstöðu bæjarins.  Samt erum við í ágætis málum sýnist okkur.  En auðvitað kemur það ekki endanlega í ljós fyrir en lokaframlög Jöfnunarsjóðs berast þar sem Hveragerðisbær fær drjúgan hluta tekna sinna þaðan.  Hversu hátt það framlag verður liggur ekki fyrir fyrr en undir mánaðamót.  

Kjörskrá vegna Alþingiskosninga var einnig tekin til afgreiðslu á fundinum.  Á kjörskrá eru 1.988 manns 997 konur og 991 karl.  Jafnara getur það nú varla verið. 

Fundur með starfsmönnum Byggðastofnunar eftir hádegi þar sem við Sunnlendingar fengum kynningu á vinnu við gerð nýrrar byggðaáætlunar.  Margt gott sem þar kemur fram en allt ber að sama brunni.  Það þarf nefnilega að veita fjármunum í verkefnin til að þau geti komið að gagni.  Þar hefur í gegnum tíðina verið brotalöm þegar kemur að eftirfyglni áætlana sem gerðar hafa verið.