Aldís Hafsteinsdóttir

Í dag eru fjögur ár frá því að Eden brann, var það einn mesti eldur sem ég hef orðið vitni að.  Við Lalli, Guðrún og Jói, fylgdumst  með brunanum frá því hans varð fyrst vart enda var það ég sem tilkynnti brunann inn.  Mikið fjölmiðlafár fylgdi í kjölfarið um nóttina og morguninn eftir, man varla eftir öðru eins.  En fjölmiðlamennirnir hurfu héðan eins og dögg fyrir sólu þegar skyndilega fréttist af sprengjuáras í miðborg Osló og í kjölfarið fylgdu þessar hræðilegu fréttir af fjöldamorðinu í Útey. Ég mun aldrei gleyma þessum degi og í hvert sinn sem morðanna í Noregi er minnst rifjast upp þessi tengsl.

Fæ stundum skemmtilega pósta frá honum Baniprosonno sem er listamaður sem býr á Indlandi.  Hann hefur komið hingað nokkrum sinnum og búið í listamannaíbúðinni okkar, Varmahlíð.
Í morgun biðu mín til dæmis nokkrar myndir og þessi var ein af þeim.  Mér finnst þetta fallegt...