Aldís Hafsteinsdóttir

Hér má sjá viðtal sem sýnt var á sjónvarpstöðinni N4 fyrir viku.  Við Margrét Frímannsdóttir spjöllum þarna um undirbúning jólanna annars vegar í Hveragerði og hins vegar á Litla Hrauni.

Best að segja ykkur frá því að ég hef einungis einu sinni verið nærri því að kjósa annan lista en D og það var í alþingiskosningunum 1991.  Þá bjuggum við Lárus á Bankaveginum á Selfossi.  Mikill áróður var þá rekinn fyrir því að Margrét Frímanns væri í stórri hættu að detta út af þingi.  Ég hef alltaf verið afskaplega hrifin af Margréti og þótti þessi staða alveg ómöguleg.  Fór því á kjörstað harðákveðin í því að kjósa Alþýðubandalagið, setja sem sagt x við G.  En þar sem ég stóð þarna alein í kjörklefanum þá bara gat ég þetta ekki, mér var það lífsins ómögulegt að setja krossinn við annað en D! ! !   Merkilegt - en ég hef alltaf sagt að þarna hafi genin tekið af mér völdin :-)

Sem betur fer reyndist ótti Allaballanna ástæðulaus og Margrét þurfi ekki mitt atkvæði til að halda sæti sínu enda reyndist það harla traust þegar á reyndi.