Aldís Hafsteinsdóttir

Undanfarið virðast fjölmiðlar hafa tekið sérstöku ástfóstri við okkur hér í Hveragerði og er ég því búin að fara í dágóðan slatta af viðtölum um bæði bæjarfélagið og um  kosningarnar framundan.  Einnig hefur vinna okkar bæjarfulltrúanna undanfarin fjölmörg ár vegna virkjana hér fyrir ofan okkur orðið tilefni til nokkurra frétta.  Einnig um lífsnauðsynlegar úrbætur á veginum milli Hveragerðis og Selfoss og núna síðast um vinnubrögðin við úthlutun hjúkrunarrýma sem við Árnesingar erum ekki par ánægð með.   Allt er þetta afar mikilvægt þegar kemur að því að vinna málum okkar brautargengi. Ekki síður er þó mikilvæg sú vinna sem fram fer utan fjölmiðla sem er miklu miklu meiri og oft á tíðum mun gagnlegri.

Hér er hlekkur á viðtal þar sem ég spjalla við Björn Bjarnason á ÍNN.  Byrjar ca. á 12 mínútu.  Þarna heyrist nokkuð greinilega að bæjarstjórinn er að kvefast all illilega :-)

Hér er hlekkur á viðtal í fréttum Stöðvar 2 um hjúkrunarrými í Árnessýslu.

Hér er frétt af viðbrögðum bæjarráðs vegna beiðni OR um undanþágu frá reglugerð.