Aldís Hafsteinsdóttir

Helgin var ansi öflug svo ekki sé meira sagt.  Kjördæmisþing Sjálfstæðismanna í Suðurkjördæmi var haldið á Selfossi eftir hádegi á laugardag.  Þar var kosið í embætti og var Friðrik Sigurbjörnsson, okkar maður hér í Hveragerði kosinn í miðstjórn flokksins.  Þar sitjum við þá tveir  Hvergerðingar, því ég á þar sæti sem formaður sveitarstjórnarráðs. Við vorum nokkur sem vorum fengin til að sitja fyrir svörum í pallborði í lokin og var gaman að sjá þarna öflugt nýtt fólk til dæmis í Skaftárhreppi og Grindavík.   Eftir þingið var öllum boðið að skoða flugsafnið hans Einars í Set en hann hefur sett upp fantaflotta sýningu á ýmsum gripum og ljósmyndum í skemmu á flugvellinum á Selfossi.  Virkilega gaman að sjá safnið hjá honum.   Rétt náði heim til að leggja lokahönd á undirbúning fyrir fordrykkjar hófið hans Lárusar en hingað komu örugglega um 70 karlar sem voru á leið á herrakvöldið.  Þetta er alltaf afar skemmtilegt en í þessu hófi f´æ ég að skenka í glös og taka til.  Það er nú ekki leiðinlegt  :-)