Aldís Hafsteinsdóttir

Mér fannst þátturinn hennar Lóu Pind Aldísardóttur á Stöð 2 í gærkvöldi ansi góður. Aðallega fannst mér hann góður af því að hann var skemmtilegur, það var létt yfir öllum, viðmælendur hlógu og gerðu að gamni sínu og það virtist víðast ríkja góð samstaða þvert á flokka.  Það er afar dýrmætt þegar svo er.  Svo fannst mér Hveragerði fá flotta umfjöllun og ég var ánægð með að hún skyldi hafa lokaorð þáttarins það að hér í Hveragerði stefndum við að því marki að verða flottasta útverfi Reykjavíkur.

Í dag útbjó ég textann á kynningarblað sem dreift verður til íbúa vegna skoðanakönnunar um sameiningu.  Það er mikilvægt að fólk geri skýra grein fyrir vilja sínum í könnuninni og gefi þannig bæjarstjórn næsta kjörtímabils gott veganesti í þessari umræðu.

Það var mikill erill í símanum og margir sem þurftu að heyra í bæjarstjóranum.  Allt frá málefnum katta til sorps til Garðyrkju og blómasýningar.  Það er verið að skipuleggja íbúafund vegna skipulagsmálanna sem í gangi eru,  Fossflatar og Árhólma sem væntanlega verður haldnn fimmtudaginn í næstu viku

Hrossabjúgu frá Gýgjharhólskoti í kvöldmat!  Þvílíkt lostæti og ekki spillti nú félagsskapurinn fyrir
en með mömmu og Grundarsystrum er góð kvöldstund gulltryggð :-)