Aldís Hafsteinsdóttir

Hitti mannfræðing frá Írlandi í dag en hann kom að ræða hvaða áhrif jarðskjálftar og orkunýting hefur á íbúa hér. Skemmtilegt spjall til undirbúnings doktorsverkefni sem hann er að gera. Ég sendi hann auðvitað til annarra aðila hér í bæ sem mega eiga von á tölvupósti á næstu dögum með beiðni um viðtal.

Rögnvaldur Guðmundsson, ferðamálafrömuður leit hér við og það gerði einnig Birgir S. Birgisson, garðyrkubóndi sem og Haraldur Fróði en myndin hér til hliðar er tekin í þeirri heimsókn!

Annars var unnið í fundarboði bæjarráðs fyrir fimmtudaginn en þar eru nokkuð mörg stór mál á dagskrá eins og til dæmis kaup á byggingaréttinum á Tívolí lóðinni, endurnýjun varmaskiptis í sundlauginni svo hægt sé að fara í sturtu með góðu móti og lagfæring og endurnýjun gólfefna í sölum líkamsræktarinnar svo fátt eitt sé nefnt. Það er afar gott fyrir hálsliðina að teygja svolítið á þeim þess vegna ákvað ég að snúa myndinni svona ;-)

Held að það hafi verið reynt að eitra fyrir mér ! Það getur hent besta fólk í pólitík eins og við heyrum í fréttum þessa dagana. Unnur Þormóðs mætti nefnilega galvösk með flensusprauturnar og bólusetti mig fyrir bæði inflúenslu og lungnabólgu. Núna sólarhring síðar gef ég ekki lyft handleggnum er með hita og beinverki þannig að "mér hefur liðið betur". Ef það væri hægt að kommenta á færslurnar myndi ég klárlega óska eftir samúð í kommentakerfinu ;-) Spurning hvað hafi eiginlega verið í þessum sprautum hjá henni Unni !