Aldís Hafsteinsdóttir

Niðurskurðurinn sem boðaður hefur verið hjá Heilbrigðisstofnun Suðurlands er algjörlega óasættanlegur enda hefur hann í för með sér að leggja þarf niður alla þjónustu sem við hingað til höfum tengt við hefðbundna sjúkrahúsþjónustu. Skurðstofan, fæðingardeildin, hand-og lyflækningadeildin verða einfaldlega lagðar niður ef fram fer sem horfir og þá er sjúkrahús Suðurlands í þeirri mynd sem við þekkjum það liðin tíð. Ef ætlun ráðherra var að leggja niður sjúkrahúsin á landsbyggðinni þá tekst honum það ágætlega með þessum tillögum! Við notendur þjónustu Heilbrigðisstofnunar Suðurlands getum ekki setið aðgerðalaus hjá heldur ber okkur öllum skylda til að mótmæla og berjast gegn þessum hugmyndum með öllum tiltækum ráðum. Það verður gert hér í Hveragerði sem annars staðar á Suðurlandi á næstu dögum.
--------------------------------