9. mars 2007
Á bæjarstjórnarfundi í gær ...
...var samþykkt einróma að stefna að alþjóðlegri listasmiðju ungmenna í samvinnu við Veraldarvini. Mun listasmiðjan væntanlega setja svip sinn á hátíðahöld Blómstrandi daga sem haldnir verða síðustu helgina í ágúst. Það var einkar ánægjulegt að finna að allir bæjarfulltrúar sameinuðust um tillögurnar og lýstu yfir ánægju með hugmyndina. Næsta skref er að velja hóp ungmenna til að stýra starfinu en væntanlega mun hópurinn héðan taka þátt í tilsvarandi verkefni í Evrópu sumarið 2008. Engar skorður eru settar varðandi áhugasvið þátttakenda en þátttaka í smiðju sem þessari getur falið í sér hin fjölbreyttustu verkefni.
Annars litaði umræða um verk dr. Magga Jónssonar fundinn en óneitanlega hefur það vakið athygli hversu seint reikningar frá honum hafa borist en hann sendi nýverið til bæjarins reikninga vegna hönnunar grunnskólans allt frá árinu 1999. Það má sjálfsagt deila um það hvort reikningarnir séu fyrndir eða ekki en það er óumdeilanlegt að hann vann þessa vinnu og fékk aldrei greitt fyrir. Hann fellir síðan út umtalsverða liði vegna þess að hann hefur vonda samvisku vegna seinagangsins. Bæjarstjórn samþykkti að greiða reikningana við mótmæli minnihlutans en þau vildu reyndar líka að bæjarstjórn samþykkti að skipta ekki framar við dr. Magga. Undir það getum við ekki skrifað.
Málefni Ullarþvottastöðvar hafa nokkuð verið til umræðu í bæjarfélaginu að undanförnu en það mál er nú í skoðun hjá lögmönnum sem kanna hver sé lögformleg staða bæjarins varðandi skipulag á svæðinu.
Heimsklúbbur Grundarsystra fór í sína fyrstu ferð um síðustu helgi en þá var haldið til Istanbul. Vel lukkað og skemmtilegt, skilst mér, eins og þeirra var von og vísa. Ferðin var kynnt sem "skemmtiferð fyrir konur með gilt greiðslukort"! ! Teppa-, leður- og gullsalar Istanbulborgar verða sjálfsagt mjög glaðir ef fleiri hópar verða jafn kaupglaðir og hinir íslensku. Ferðasöguna má lesa hér. Chelsea flower show í London er næst á dagskránni skilst mér en síðan er spurning að byrja strax að spara fyrir Marokkó 2008 ! ! !
Vil líka minna á rokkóperuna Jesus Chris Superstar sem Leikfélag Hveragerðis sýnir núna. Meiriháttar skemmtun sem enginn má missa af. Næsta sýning á sunnudagskvöld.
...var samþykkt einróma að stefna að alþjóðlegri listasmiðju ungmenna í samvinnu við Veraldarvini. Mun listasmiðjan væntanlega setja svip sinn á hátíðahöld Blómstrandi daga sem haldnir verða síðustu helgina í ágúst. Það var einkar ánægjulegt að finna að allir bæjarfulltrúar sameinuðust um tillögurnar og lýstu yfir ánægju með hugmyndina. Næsta skref er að velja hóp ungmenna til að stýra starfinu en væntanlega mun hópurinn héðan taka þátt í tilsvarandi verkefni í Evrópu sumarið 2008. Engar skorður eru settar varðandi áhugasvið þátttakenda en þátttaka í smiðju sem þessari getur falið í sér hin fjölbreyttustu verkefni.
Annars litaði umræða um verk dr. Magga Jónssonar fundinn en óneitanlega hefur það vakið athygli hversu seint reikningar frá honum hafa borist en hann sendi nýverið til bæjarins reikninga vegna hönnunar grunnskólans allt frá árinu 1999. Það má sjálfsagt deila um það hvort reikningarnir séu fyrndir eða ekki en það er óumdeilanlegt að hann vann þessa vinnu og fékk aldrei greitt fyrir. Hann fellir síðan út umtalsverða liði vegna þess að hann hefur vonda samvisku vegna seinagangsins. Bæjarstjórn samþykkti að greiða reikningana við mótmæli minnihlutans en þau vildu reyndar líka að bæjarstjórn samþykkti að skipta ekki framar við dr. Magga. Undir það getum við ekki skrifað.
Málefni Ullarþvottastöðvar hafa nokkuð verið til umræðu í bæjarfélaginu að undanförnu en það mál er nú í skoðun hjá lögmönnum sem kanna hver sé lögformleg staða bæjarins varðandi skipulag á svæðinu.
Heimsklúbbur Grundarsystra fór í sína fyrstu ferð um síðustu helgi en þá var haldið til Istanbul. Vel lukkað og skemmtilegt, skilst mér, eins og þeirra var von og vísa. Ferðin var kynnt sem "skemmtiferð fyrir konur með gilt greiðslukort"! ! Teppa-, leður- og gullsalar Istanbulborgar verða sjálfsagt mjög glaðir ef fleiri hópar verða jafn kaupglaðir og hinir íslensku. Ferðasöguna má lesa hér. Chelsea flower show í London er næst á dagskránni skilst mér en síðan er spurning að byrja strax að spara fyrir Marokkó 2008 ! ! !
Vil líka minna á rokkóperuna Jesus Chris Superstar sem Leikfélag Hveragerðis sýnir núna. Meiriháttar skemmtun sem enginn má missa af. Næsta sýning á sunnudagskvöld.
Comments:
Skrifa ummæli
