Aldís Hafsteinsdóttir

Kjördæmisþing Sjálfstæðismanna á Hellu

Sjálfstæðismenn í Suðurkjördæmi héldu fjölmennt og vel heppnað kjördæmisþing á Hellu um síðastliðna helgi. Miklar umræður urðu um samgöngumál, atvinnumál semog um starf flokksins í hinu nýja kjördæmi. Mikill hugur er í Sjálfstæðismönnum og ljóst að einskis verður látið ófreistað til að ná aftur þeirri stöðu sem flokkurinn hafði sem leiðandi afl í kjördæminu. Ýmsir samverkandi þættir urðu til þess að fyrsti þingmaður féll í skaut Samfylkingarinnar en í ljósi þess krafts sem finna má hjá Sjálfstæðismönnum í kjördæminu trúi ég að um tímabundin vandkvæði sé að ræða og Sjálfstæðismenn nái fyrri styrk við næstu kosningar.
-------------------
Minnisvarði um Ingólf Jónsson, ráðherra, var afhjúpaður á Hellu seinnipart laugardags. Er það vel til fundið hjá Rangæingum að heiðra með þeim hætti minningu þess manns sem hvað mest hefur sópað að á Suðurlandi öllu.