Aldís Hafsteinsdóttir

Var að komast að því að nafnið mitt er útum allt á internetinu og ég sem hélt að hér væri um að ræða norrænt goðanafn.
Nei þá heitir eldingavarnakerfi Austurríkismanna Aldis, einhver ljós til að senda morse merki heita Aldis og griðarstór ættbálkur erlendis heitir Aldis að eftirnafni. Ekki nóg með það heldur skilst mér að Aldis á grísku þýði langstökk. Vill einhver heita "langstökk"? Hef annars alltaf verið frekar ánægð með nafnið þó að ég hefði viljað heita einhverju lengra og virðulegra þegar ég var yngri. Það hétu flestar stelpurnar í bekknum tveimur gerðarlegum nöfnum en ég varð að láta mér nægja 5 bókstafi. Mér fannst þetta hálf aumt og kvartaði oft yfir þessu við mömmu. Hefði ekki verið ánægð ef ég hefði þá vitað að morse luktir hétu það sama og ég :-)
Annars hef ég ávallt verið ánægð og stolt yfir að bera nafnið hennar ömmu minnar og einnig að heita nafni sem notað hefur verið mann fram af manni í minni föðurfjölskyldu. Kallið mig gamaldags en mér finnst synd að sá siður að skíra í höfuðið á einhverjum skuli ekki vera lengur í tísku. Einnig finnst mér það leiðinlegt að falleg íslensk nöfn skuli ekki vera í náðinni heldur falla þau í skugga ofurvinsælla nafna sem flest hver eru stutt og jafnvel af erlendum uppruna.
Þori auðvitað ekki að nefna nein dæmi þá móðgar maður einhvern :-)