Aldís Hafsteinsdóttir

Bæjarstjórn Hveragerðisbæjar situr enn í sínu ógnar langa sumarfríi.
Næsti fundur er ekki áætlaður fyrr en 30. september og er nú nokkuð um liðið síðan síðast var hist.
Þrátt fyrir að bæjarráð sinni sínu hlutverki með prýði þá er tímabært að bæjarstjórn fari að taka til starfa enda nóg af málum sem þarf að taka á. Meirihlutinn hlýtur reyndar að sitja yfir endurskoðun fjárhagsáætlunar þessa dagana, en það hlýtur að vera ærinn starfi sérstaklega þar sem nú þarf að taka tillit til þess að niðurstaða síðasta árs var miklu, miklu verri en gert var ráð fyrir.
Reyndar hefur farið lítið fyrir sparnaði og aðhaldi í rekstri bæjarins en þó er alltaf von og því verður gaman að sjá hvernig meirihlutinn hefur hugsað sér að bregðast við stöðunni. Finnst reyndar áhyggjuefni hve neðarlega á forgangslistanum fjármálastjórn bæjarins er og hreinlega sorglegt að sjá hvernig núverandi meirhluti Samfylkingar og Framsóknar fer með sameiginlega sjóði okkar bæjarbúa.