Aldís Hafsteinsdóttir

Þjóðarblómið

Lambagras
Vil endilega hvetja fólk til að kynna sér kosninguna um þjóðarblómið.
Áskotnaðist þessi líka fíni bæklingur þar sem tilnefnd blóm voru kynnt, ekki ósvipað fegurðarsamkeppni. Nema að nú megum við öll vera með og taka þátt í valinu sem fer víst fram í byrjun október. Með þessum pistli ætla ég auðvitað að hafa skoðanamyndandi áhrif og hvetja alla til að velja lambagrasið. Því að ef einkennisblóm íslenskra heiða og móa er til þá er það lambagrasið. Ég myndi reyndar alveg vera sátt við fífuna það er líka afskaplega "íslenskt" blóm. Verð að segja að þjóðin ylli mér miklum vonbrigðum ef hún veldi baldursbrána því þótt að það sé afskaplega krúttlegt blóm þá er þetta þjóðarblóm Dana og við ættum nú ekki annað eftir en að hampa því sama hér.
Endilega kíkið að þessa heimasíðuog athugið hvað ykkur finnst flottast.
Maður fær hin undarlegustu áhugamál í sumarfríinu eins og þið sjáið :-)