19. ágúst 2004
Af stökkbreyttum hrossaflugum og vinum þeirra!
Það er ótrúleg veðráttan sem ríkt hefur hér í sumar en auðvitað koma þessi gæði ekki án galla ... það er lyginni líkast dýralífið hér þessa dagana.
Held að þetta sé ekki bundið við Heiðmörkina eingöngu heldur hef ég heyrt að þessi óáran sé út um allt neðra þorpið !
Ég er að sjálfsögðu að tala um stökkbreyttu hrossaflugurnar sem eru mann lifandi að drepa.
Einu sinni gat maður drepið þessi kvikindi með klósettpappír án þess að finna fyrir því en núna standa lappirnar alls staðar út undan svo það dugar ekkert minna en Sunnlenska!!!
Það er ekki hægt að opna glugga að kvöldi til því þá streyma þær inn og við tekur tímafrek vinna við að koma öllum hópnum fyrir kattarnef. Eini plúsinn er að húskötturinn Gulli virðist ráða við að veiða þetta þó hann hafi hingað til ekki verið fengsæll nema hvað hann hefur verið duglegur við að draga inn ánamaðka.
-------------------------
Annað og það ekki síður hvimleitt kvikindi hefur gert sig heimakominn í garðinum hjá okkur og það er hin fræga hvíta fluga sem garðyrkjubændur hata öðru fremur. Hún hefur lagt sig eins og ský yfir garðinn og virðist eiga upptök sín í nærliggjandi garðyrkjustöð. Veðráttan gerir það síðan að verkum að hún lifir góðu lífi í görðunum hér í kring.
-------------------------
Risastór járnsmiður hefur einnig numið land í Hveragerði. Fundum einn slíkan dauðann á ísgerðarlóðinni í fyrra og sendum hann í greiningu, vorum alveg viss um að hann hefði komið með gámi að utan. En viti menn... Eftir dúk og disk kom bréf frá Náttúrufræðistofnun þar sem þeir snilllingar sögðu að þetta væri nýr landnemi sem líklega hefði komið með plöntugámi til Ingibjargar Sigmunds og væri nú að dreifa sér um miðbik Hveragerðis úr því hann væri kominn niður að Kjörís.
---------------------------
Man þá tíð þegar stóru kóngulærnar voru eingöngu í efra þorpinu og það meira að segja bundnar við ákveðið svæði. En hvað skeði! Nú hafa þær hertekið allan bæinn og hvert sem litið er má sjá listavel ofna vefi og stórar og vænar kóngulær að störfum. Þetta er orðið eins og í útlöndum að maður þarf að sópa vefina í burtu á hverjum morgni þegar maður röltir í vinnuna.
Er nema von að maður biðji um fimbulkulda í vetur. Hef mætt miklu skilningsleysi þegar ég undanfarið hef talað um nauðsyn þess að í vetur fáum við að lágmarki þriggja vikna kafla þar sem frostið fer niður í 15-20°c.
Fátt myndi aftur á móti gleðja mig meira :-)
Það er ótrúleg veðráttan sem ríkt hefur hér í sumar en auðvitað koma þessi gæði ekki án galla ... það er lyginni líkast dýralífið hér þessa dagana.
Held að þetta sé ekki bundið við Heiðmörkina eingöngu heldur hef ég heyrt að þessi óáran sé út um allt neðra þorpið !
Ég er að sjálfsögðu að tala um stökkbreyttu hrossaflugurnar sem eru mann lifandi að drepa.
Einu sinni gat maður drepið þessi kvikindi með klósettpappír án þess að finna fyrir því en núna standa lappirnar alls staðar út undan svo það dugar ekkert minna en Sunnlenska!!!
Það er ekki hægt að opna glugga að kvöldi til því þá streyma þær inn og við tekur tímafrek vinna við að koma öllum hópnum fyrir kattarnef. Eini plúsinn er að húskötturinn Gulli virðist ráða við að veiða þetta þó hann hafi hingað til ekki verið fengsæll nema hvað hann hefur verið duglegur við að draga inn ánamaðka.
-------------------------
Annað og það ekki síður hvimleitt kvikindi hefur gert sig heimakominn í garðinum hjá okkur og það er hin fræga hvíta fluga sem garðyrkjubændur hata öðru fremur. Hún hefur lagt sig eins og ský yfir garðinn og virðist eiga upptök sín í nærliggjandi garðyrkjustöð. Veðráttan gerir það síðan að verkum að hún lifir góðu lífi í görðunum hér í kring.
-------------------------
Risastór járnsmiður hefur einnig numið land í Hveragerði. Fundum einn slíkan dauðann á ísgerðarlóðinni í fyrra og sendum hann í greiningu, vorum alveg viss um að hann hefði komið með gámi að utan. En viti menn... Eftir dúk og disk kom bréf frá Náttúrufræðistofnun þar sem þeir snilllingar sögðu að þetta væri nýr landnemi sem líklega hefði komið með plöntugámi til Ingibjargar Sigmunds og væri nú að dreifa sér um miðbik Hveragerðis úr því hann væri kominn niður að Kjörís.
---------------------------
Man þá tíð þegar stóru kóngulærnar voru eingöngu í efra þorpinu og það meira að segja bundnar við ákveðið svæði. En hvað skeði! Nú hafa þær hertekið allan bæinn og hvert sem litið er má sjá listavel ofna vefi og stórar og vænar kóngulær að störfum. Þetta er orðið eins og í útlöndum að maður þarf að sópa vefina í burtu á hverjum morgni þegar maður röltir í vinnuna.
Er nema von að maður biðji um fimbulkulda í vetur. Hef mætt miklu skilningsleysi þegar ég undanfarið hef talað um nauðsyn þess að í vetur fáum við að lágmarki þriggja vikna kafla þar sem frostið fer niður í 15-20°c.
Fátt myndi aftur á móti gleðja mig meira :-)
