Aldís Hafsteinsdóttir

Páskafríið fór allt meira og minna í veikindavesen þannig að ekki var útiverunni fyrir að fara í blíðunni. Fengum samt ótrúlega marga góða gesti sem flestir höfðu mestan áhuga á yngsta meðlim fjölskyldunnar. Það fannst okkur hinum fullkomlega skiljanlegt enda við sjálf óskaplega hrifin af unga manninum sem sefur eins og engill, grætur aldrei og er svo ósköp ljúfur og góður. Hreinasta fyrirmyndarbarn. Hér er hann svo ofursæll við mömmu kinn þessi elska :-)
Skil reyndar ekki af hverju myndin snýr svona, en þetta er afar góð æfing fyrir vöðvabólguna að snúa svolítið svona á hlið ;-)



Hittum endurskoðandann í dag en nú er gerð ársreiknings lokið og verður hann lagður fyrir bæjarstjórn til fyrri umræðu í næstu viku. Við erum ánægð með niðurstöðuna. Jákvæð rekstrarniðurstaða er staðreynd og sjóðstreymið er gott. Skuldahlutfallið innan marka svo hér mega bæjarbúar nokkuð sáttir við una. Það verður ánægjulegt að kynna þennan reikning.