Aldís Hafsteinsdóttir

Af söfnun, Stuðmönnum og Framsóknarmönnum

Söfnunin fyrir augnmúsinni handa Maggý fer vel af stað. Það er greinilegt að margir vilja leggja hönd á plóginn til að tryggja það að Maggý geti áfram átt eðlileg samskipti við umheiminn. Endilega látið söfnunarnúmerið hér fyrir neðan berast til allra sem þið þekkið. Þannig náum við markmiðinu fljótt og vel.
Reikningsnúmerið er: 0152-26-9220, Kt. 081065 3499

-------------------------------

Fórum að sjá Stuðmenn í Fjölskyldu- og húsdýragarðinum um helgina. Frábær skemmtun og mikið líf í áheyrendum. Okkur til mikillar furðu mætti á sviðið góður Hvergerðingur og tróð upp með "Frummönnum". Var þar mættur Gylfi Kristinsson sem greinilega var í fyrstu útgáfu Stuðmanna. Fólk leynir á sér, ég segi nú ekki annað...
-----------------------------------

Pólitíkin getur tekið á sig hinar undarlegustu myndir.
Lenti í furðulegu atviki nú nýlega. Var að vinna að leiðréttingu á virðisaukaskatti fyrir Sjálfstæðisfélagið og sendi pappírana á Skattstofuna á Hellu. Ekki hefur mér farist þetta vel úr hendi því þaðan hringdi kona um hæl til að láta mig vita að ég þyrfti að fylla út einhver leiðréttingarblöð sem ég fyndi á netinu. Útskýrði hún í löngu máli hvernig fara ætti að þessu. Allt í lagi með það svo sem. Nema hvað hún segir síðan: "ég var að hugsa um að gera þetta bara fyrir þig en þar sem ég er svo mikil Framsóknarkona gat ég ekki hugsað mér að gera þetta fyrir Sjálfstæðisfélagið (mikið hlegið)". Ég gat ekki dregið aðra niðurstöðu en þá að ef ég hefði verið í forsvari fyrir Framsókn hefði ekki einu sinni verið hringt, þetta hefði bara verið lagað ! ! ! !
Svona eftir á að hyggja finnst mér þetta ekki einu sinni fyndið.
----------------------------------------------